Ungmennafélag Grundarfjarðar

Þetta er heimasíða Ungmennafélags Grundarfjarðar

30.01.2018 10:07

Tilkynning

Tilkynning:

Aðalfundur UMFG fór fram 25.janúar sl. Þar voru samþykktar nokkrar breytingar á lögum félagsins. Kosið var í stjórn en hana skipa Ragnar Smári formaður, Dagný Ósk gjaldkeri, Sirrý ritari og Hadda og Tómas Freyr meðstjórnendur.

Tekin voru fyrir ýmis önnur mál sem stjórnin mun skoða á næstunni. Öðrum liðum aðalfundar var frestað fram til framhalds aðalfundar sem verður haldinn með vorinu.

Við viljum minna fólk á að því er velkomið að hafa samband við gjaldkera ef að ekki næst að greiða æfingargjöld til félagsins. Reynt verður að koma til móts við fjölskyldur eins og hægt er.

Talsverður seinagangur hefur verið hjá UMFG að senda út greiðsluseðla. Breytingar eru að verða á þessu og munu greiðsluseðlar fyrir haustönnina koma inn í febrúar nk. VIð viljum biðja ykkur að sýna þessu skilning en þetta er gert til að koma betri reglu á æfingargjöldin þ.e. að rukka þau inn á ca. 4 mánaða fresti samanber lögum félagsins.

Bestu kveðjur, stjórn UMFG



11.01.2018 16:42

Aðalfundur



           Aðalfundur

Ungmennafélags Grundarfjarðar

 

 

verður haldinn í Sögumiðstöðinni fimmtudaginn 25. janúar 2018 kl: 20:00



Dagskrá aðalfundar:

 

1. Fundur settur

2. Fundarstjóri settur

3. Skýrsla stjórnar

4. Reikningar lagðir fram

5. Kosning stjórnar

6. Önnur mál

 

 

Stjórn UMFG

 





07.06.2017 22:20

Skilaboð frá stjórn UMFG

Á aðalfundi UMFG, þriðjudaginn 23. maí 2017, var ákveðið að hækka æfingagjöld UMFG um 20.000 kr. á ári á hverja fjölskyldu. Hækkunin tekur gildi frá og með 1.júní 2017. Fjölskyldur geta þó fengið niðurgreiðslu um sömu upphæð á æfingagjöldum með því að skuldbinda sig til þess að skila 4 klst vinnu til félagsins á ári hverju.


Það eru mörg verk sem þarf að vinna til að halda svona félagastarfi úti. Til dæmis þarf að vinna á 17.júní hátíðarhöldunum, Á góðri stund, setja upp auglýsingarskilti, dósasafnanir ofl.


Kveðja, stjórnin

02.05.2017 23:30

Héraðsmót HSH í frjálsum íþróttum, sunnud. 7. maí nk.

          

 

HSH heldur sitt árlega héraðsmót í frjálsum íþróttum innanhúss í íþróttahúsinu í Stykkishólmi, sunnudaginn 7. maí 2017. Mótið hefst kl. 10.30 stundvíslega.

 

Foreldrar eru hvattir til að fylgja og hvetja - og aðstoða við framkvæmd mótsins.

 

Keppt er í eftirfarandi flokkum og greinum:

8 ára og yngri:            Langstökki með og án atrennu og 35m hlaupi

9 - 10 ára:                      Langstökki með og án atrennu, hástökki og 35m hlaupi

11 - 12 ára:                   Langstökki með og án atrennu, hástökki, kúluvarpi og 35m hlaupi

Í flokkum 13-14 ára, 15-16 ára og svo 17 ára og eldri: Í sömu greinum og 11-12 ára.

 

Skráningar eru þannig:

Iðkendur (eða foreldrar) geta skráð sig beint í þetta sameiginlega skjal - smellið hér.

Annars má líka hafa samband við einhvern af þjálfurunum okkar:

Snæfell: Gísli Pálsson, s. 861 8389 eða netfangið gislipalsson82@gmail.com

UMFG: Kristín Halla, s. 899 3043 eða netfangið kh270673@gmail.com

Umf. Víkingur/Reynir: Eva Kristín, s. 693 0820 eða netfangið evakristin09@gmail.com

Þegar skráð er, þarf að gefa upp kennitölu keppanda og grein/greinar sem hann/hún vill keppa í.

Athugið - að það er ekki skilyrði að vera í frjálsum til að mega keppa!

Skráningu lýkur föstudagskvöldið 5. maí kl. 20.00.



Fögnum vori og mætum öll!
Frjálsíþróttaráð HSH

 


  • 1
Flettingar í dag: 1115
Gestir í dag: 26
Flettingar í gær: 73
Gestir í gær: 11
Samtals flettingar: 314855
Samtals gestir: 64605
Tölur uppfærðar: 23.2.2018 19:00:45

Nafn:

Ungmennafélag Grundarfjarðar

Afmælisdagur:

10.07.1933

Staðsetning:

Grundarfjörður

Kennitala:

630189-2689

Bankanúmer:

0191 - 26 - 000021

Tenglar